Tag: 西之丸庭園

嚟緊去大阪嘅朋友，睇櫻花?一定係其中一個重點，睇完櫻花做咩好？我地計劃咗一個簡單嘅行程比大家參考參考！ 大阪城喺大阪嘅象徵，包括咗１３處被日本政府立為重要文化遺產嘅建築，非常有參觀嘅價值。好多個站都可以去到大阪城公園，大家可以揀番方便自己酒店唔使轉咁多次車嘅站落（啲站圍住大阪城公園，距離唔差得遠）： 位於天滿橋站附近嘅まる有串燒、燒物、鍋物、刺身等多款食物，店內裝修充滿懷舊感覺，喺大阪城行咗一朝，可以好好補充體力！ 食完午餐就可以去下一站！喺附近嘅天滿橋站搭地鐵谷町線，到南森町站落車就到日本最長商店街－天神橋筋商店街！由一丁目行到六丁目完全可以考驗大家嘅腳骨力（唔使擔心，商店街有好多小食店可以比大家補充體力）。如果大家想先計劃下有咩要行可以參考以下商店街地圖（一丁目至三丁目） 不過喺開始行街之前推介大家去人氣好高嘅 OWL FAMILY CAFÉ 貓頭鷹咖啡店！每人¥1500就可以親親貓頭鷹一個鐘（包一杯飲品） 行到六丁目大家應該都攰咖啦，可以去 PANCAKE 店 フルフィル(FULFILL) 休息一下，嚴選麵粉、雞蛋、牛奶製作蓬軟PANCAKE，雜果、香蕉朱古力、芒果款款都好睇又好食！ 館內重現咗江戶時代的建築物和街道，比大家可以感受下不同歷史時期嘅日本生活方式。??重點！！！今昔館有和服體驗，每人300円/30分鐘，就可以體驗著住和服喺日本古代街道閒逛！ 「地魚屋台」簡單嚟講即係海鮮大排檔，由今昔館離開，過個馬路就係啦！刺身、海鮮丼、天婦羅應有盡有，食物新鮮，價錢親民！