今年係大阪環球影城15週年，Halloween萬聖節節目亦落重本，全新設施包括：恐怖實驗「Trauma 2」、活娃娃詛咒「崇Tatari」、驅魔人「The Exorcist」、 「學校怪談」等。(活動日期至2016年11月16日)
- 街頭喪屍：就算你唔入設施，入夜之後喺園區入面每個角落都會有兇群而出嘅喪屍攻擊群眾，到時記住跑快啲！
- J驚恐園區：以京都被詛咒封印嘅神社做主題，穿過重重鮮紅烏居，喺隱世入面舉行緊神秘嘅「娃娃供奉」儀式，儀式背後又隱藏咗啲咩離奇荒誕嘅故事呢？
全新設施之一嘅恐怖實驗室「Trauma 2」，參加者需年滿15歲，官方資料顯示全程約20分鐘！！參加者喺實驗室內被綁手綁腳，成為人體實驗對象，按照工作人員指示，體驗極端恐懼！(官方話佢嘅恐怖程度係爆到無法比LEVEL)。
另外4個主題設施：
- 活娃娃詛咒「崇Tatari」：位於J驚恐園區，荒廢村莊入面嘅供奉住被詛咒嘅日式娃娃，神社亦經常發生各靈異事件，驚心怪誕
- 驅魔人「The Exorcist」：好似行入電影《驅魔人》嘅詭異世界咁，參與被惡魔附體嘅小女孩與驅魔人嘅鬥爭，以第一身見證惡魔降臨嘅靈異
- 猛鬼街「The Maze 2」：取自電影《猛鬼街》，參加者要喺迷宮救出被惡夢纏繞嘅小女孩，你又可唔可以避過惡鬼Freddy各種脆異殺人方法，返回現實世界？
- 「Chucky恐怖工廠3」：參加者喺廢棄血腥嘅玩具工廠入面被鬼娃娃追殺，緊張刺激奪命之旅。
- 貞子：喺貞子嘅詛咒下怪事接二連三發生，下一個到你…….
- 學校怪談：每間學校都有鬼故，你喺呢間殘舊校舍入面見到嘅野，千祈唔好同人講，否則……
Express Pass(官方網頁)有好多種，分別可以玩唔同組合嘅設施各一次，買之前考慮清楚自己嘅接受程度同時間分配：
- 恐怖實驗「Trauma 2」(￥2,500, 約HKD190)
- 「Chucky恐怖工廠3」+ 「學校怪談」+「貞子」(￥3,300,約HKD250)
- 猛鬼街「The Maze 2」+「學校怪談」+「貞子」(￥3,300,約HKD250)
- 驅魔人「The Exorcist」+「學校怪談」+「貞子」(￥3,300,約HKD250)
- 活娃娃詛咒「崇Tatari」+「學校怪談」+「貞子」(￥3,300,約HKD250)
- 活娃娃詛咒「崇Tatari」+驅魔人「The Exorcist」+ 猛鬼街「The Maze 2」+「Chucky恐怖工廠3」(￥4,500,約HKD340)
- 恐怖實驗「Trauma 2」+活娃娃詛咒「崇Tatari」+驅魔人「The Exorcist」+ 猛鬼街「The Maze 2」+「Chucky恐怖工廠3」(￥6,900,約HKD520)
You must be logged in to post a comment.