位於大阪高石市嘅 Patisserie cafe ひかり 以鮮果芭菲打響名堂，皆因出手夠大方，白桃芭菲足足有兩個咁桃咁多，提子芭菲就直情成串放落去，仲有有半個蜜瓜嘅蜜瓜芭菲、半個沖繩芒果嘅芒果芭菲！
Patisserie Cafe ひかり
- 地址：大阪府高石市東羽衣3-7-12 浅井ハイツ 102
- 交通：南海「羽衣駅」步行約4分鐘
- 營業時間：08:00～22:00 (逢星期二休息)
超高人氣嘅白桃芭菲(1350円)落足兩個和歌山白桃，配搭雲呢拿雪糕、粟米片及乳酪，鮮甜多汁桃迷必食！新鮮生果有分時令，白桃原本只供應至今個月月頭，剛延長供應期至20日，但每日供應有限須先預約或向店方查詢MENU。
除咗白桃，仲可以試埋店內其他鮮果芭菲！8 月 12 日開始供應的有提子芭菲，落足一串麝香葡萄，提子仲多過雪糕！
與提子芭菲同步面世的還有使用半個蜜瓜的蜜瓜芭菲，蜜瓜通過糖度測試，保證香甜！
同場仲有時令沖繩芒果芭菲，供應視乎食材供應，記住先向店方查詢！
Patisserie cafe ひかり是位於高石市的小店，店面不大座位不多，鮮果食材供應亦有限量，有意前往的朋友記住先店方查詢預約，以免撲空。
