【大阪紅葉地圖】5大鐵路沿線大阪賞楓景點!1小時車程內到達!(2019年更新版)

關西地區嘅紅葉就預計由11月上旬開始至到12月上旬,最佳紅葉觀賞期為12月上旬,淨係大阪市內同週邊地區就已經有好多賞楓地點比大家選擇。小編都明白大家行程緊湊、亦唔想左轉右轉又鐵路又巴士咁,所以精選咗5個鐵路沿線嘅賞楓景點比大家,車程全部喺1小時之內(由梅田出發計算),各有特色,大家可以按自己嘅行程同興趣參考。 大阪週邊當然唔止5個賞楓地點,小編揀呢5個係比較過各個賞楓地點嘅特色之後,揀咗同類型當中交通比較方便嘅出嚟,介紹嘅次序亦係按車程由近至遠編排。所有交通安排都係以梅田做出發點,如果你唔係由梅田出發可以喺Facebook INBOX我地。 如果你行程緊湊、一家大細,咁去大阪城睇紅葉就最方便啦!大阪城公園喺大阪市市內,園內有櫻樹紅葉、黃爐紅葉(天守閣北側)、銀杏樹。除咗JR大阪環狀線,地鐵都有站,車程又短,仲可以一次過睇埋天守閣呢啲景點,預半日左右就已經可以行哂天守閣、影埋紅葉同銀杏,行程再緊都無問題!(延伸閱動:著住和服睇紅葉!大阪市內一日和服體驗) 萬博紀念公園係1970年大阪舉辦「日本萬國博覽會」嘅「遺跡」,標誌性嘅太陽塔大家一定有印象,園區非常大,除咗用對腳行,園區亦有小火車載大家參觀(另外收費¥350/次,小火車時間表),幫大家慳返啲腳骨力!園內日本庭園、自然文化園內種有約20種、1萬棵樹,包括落羽杉、銀杏、三叉戟楓等多品種的紅葉,自然文化園入面有「紅葉之瀧」,和式庭園+自然景觀,係影相好地點!此外自然文化園入面仲有高架空中步道比大家由上而下觀賞景色! 大仙公園位於大阪市以南堺市內,園內嘅大仙公園日本庭園喺紅葉觀賞期間會特別喺夜晚開放,日式庭園環境下喺燈光映襯下,展現出同白天截然不同嘅夢幻景觀,加上傍晚時分嘅演奏會,別有一番風味。 箕面公園喺大阪市以北箕面市內,被指定為國家公園,園內栽種咗超過1000種植物,最出名嘅係高33M嘅箕面瀑布,係紅葉襯托下景色更加壯麗,攝影必到!另外提提大家,千萬不要錯過箕面公園的名產「炸楓葉」(もみじの天ぷら)!由箕面站行到箕面瀑布大概45分鐘,沿途會經過好多景點:西江寺、一の橋、昆蟲館、瀧安寺、野口英世像、唐人戾橋等等,唔覺唔覺就到架啦!路就一啲唔難行,但始終係上山嘅路記住著舒適嘅衫同鞋丫! 星田園地位於大阪以東交野市內,小編掙扎咗好耐先決定介紹星田園地,因為雖然佢附近有私市站,但係佢全程都係行緊山!不過因為一條橋,小編都係決定要介紹比大家!星田園地係「大阪府民の森」有日本最大嘅吊橋「星のブランコ」,長280M高50M,感受被紅葉360度包圍。(最後要同大家打定個底先,星田園地就類似我地嘅郊野公園,園內亦無餐飲設施,所以去之前記住要準備糧水同穿著合適嘅衫同鞋!)

【大阪紅葉】6個大阪賞楓景點推介!紅葉瀑布、夜楓、紅葉祭都有!(2019年更新版)

今年關西地區的紅葉預計由 11 月上旬開始至到 12 月上旬,最佳紅葉觀賞期為12月上旬,光是大阪市內和週邊地區就已經有很多賞楓地點給大家選擇,而且大阪市內的紅葉景點比較適合行程緊湊的朋友,即使是相對較遠的郊區景點也只需約 1 小時車程便可到達,風景也絕不比京都紅葉景點差,不只同樣有紅葉祭和夜楓,還有紅葉瀑布可以看! 大阪城公園在大阪市市內,本來就已經是必到景點之一,還可以順道看紅葉和銀杏,一舉兩得!園內有櫻樹紅葉、黃爐紅葉(天守閣北側)、銀杏樹等約六千棵,半日左右便可以完成天守閣、紅葉和銀杏觀光,行程緊密也沒問題!(延伸閱動:著住和服睇紅葉!大阪市內一日和服體驗) 萬博紀念公園是1970年大阪舉辦「日本萬國博覽會」嘅「遺跡」,標誌性的太陽塔在電影中登場大家一定有印象。園區非常大,設有小火車供訪客乘搭(收費¥350/次,小火車時間表)。園內日本庭園、自然文化園內種有約20種、1萬棵樹,包括落羽杉、銀杏、三叉戟楓等多品種的紅葉,自然文化園入面有「紅葉瀑布」,和式庭園加上自然景觀,絶對是打卡的好地點!此外自然文化園入面還有高架空中步道供訪客大家由上而下觀賞景色! 大仙公園位於大阪市以南堺市內,園內嘅大仙公園日本庭園在紅葉觀賞期間會特別喺夜晚開放 (11月26日起開放),日式庭園環境下喺燈光映襯下,展現出同白天截然不同嘅夢幻景觀,加上傍晚時分嘅演奏會,別有一番風味。 箕面公園喺大阪市以北箕面市內,被指定為國家公園,園內栽種超過1000種植物,最有名的一定是高33米的「箕面瀑布」。其絶美的自然景觀,加上紅葉襯托更加壯麗,不少遊客來到這邊都會選擇邊野餐邊賞楓,另外提提大家,千萬不要錯過箕面公園的名產「炸楓葉」(もみじの天ぷら)!由箕面站步行到箕面瀑布約45分鐘,沿途會經過多個景點,如西江寺、一の橋、昆蟲館、瀧安寺、野口英世像、唐人戾橋等,路途輕鬆。(參考路線) 其實勝尾寺在箕面公園附近,由箕面瀑布走過去大概1.5小時,有興趣行山的朋友可以一試。像小編比較不喜歡走動的話可以從千里中央站搭巴士過去,車程約 33 分鐘。(參考路線) 勝尾寺 8 萬坪的範圍內與本堂和二階堂延伸的參道上被紅葉覆蓋著,紅、綠、黃所點綴,仿佛一幅繪畫般。紅葉的絕景融化在勝尾寺特有的莊嚴的甯靜中,是給人以深深治愈的空間。 在11月份的每周六、日及公眾假期,還將舉行期間限定的「秋之夜晚」夜間點燈!遊客可以感受與白天的莊嚴氛圍完全不同的、神秘而充滿幻想的世界。 星田園地位於大阪以東交野市內,是「大阪府民の森」,園內設有日本最大吊橋「星のブランコ」,長 280 米高 50 米,感受被紅葉 360 度包圍。星田園地就類似郊野公園,園內無餐飲設施,僅記準備糧水和穿著合適衣物和鞋子。(參考路線)