日本呢幾年積極開拓旅遊業，加上 2020 年東京奧運會，每年訪日遊客人數直線上升，京都身為其中最熱門嘅旅遊地區，近年頗有人滿之患。受人喜愛固然高興，但部分遊客嘅行為亦令當地居民反感，所以【京都觀光局】都忍唔住出個份中英對照嘅【京都禮儀指南】，希望遊客留意當地風俗，與居民相互共融。
其他遊日小知識：
【京都禮儀指南】主要有19項提醒，有啲同當地文化有關(例如日本唔收小費)，有啲小編就覺得係基本禮儀。其實唔只係日本，去到邊只要將心比己以禮相待，又唔需要太緊張呢樣得唔得、嗰樣得唔得嘅。
違法架，犯不得！
- 不可在路上吸煙。(需要喺指定嘅吸煙區內吸煙，違者罰款1000円/次)
- 不可亂拋垃圾。(違者罰款30000円/次)
- 酒後不可騎單車。(違者罰款1000000円或5年有期徒刑)
- 不可隨處停迫單車。(單車需要停泊喺指定位置，違者需付2300円拖車費。)
各處鄉村各處例：
- 未經藝伎同意不得拍照。(除了藝伎，部分店家都不可拍照，想影相記住問店員先，亦唔好影到其他客人。)
- 日本沒有小費文化。(講句「OOKINI」(京都話謝謝)，或者「ARIGATOU」甚至英文「THANK YOU」都可以。)
- 不可以穿鞋踩榻榻米。(去到有榻榻米嘅和室必須要先脫鞋，唔想赤腳可以問下有冇拖鞋提供。)
- 預訂後如需取消訂位，請務必盡早聯絡餐廳。(預約後如果行程有變務必先通知餐廳，唔好放飛機！)
- 的士門會自動開關。(日本的士門識自動開關，唔使自己動手架。)
- 不要佔用「優先席」。(「優先席」類同香港「關愛座」，留空予老弱病殘孕婦使用，唔好亂坐。)
- 寺廟/神社禮儀：
- 標有「禁止攝影」的寺廟/神社內，嚴禁拍攝。
- 寺廟/神社範圍內保持安靜。
- 不可戴帽子/墨鐘進寺廟/神社。
- 不要隨便觸碰民房、私宅物品。(亦不要隨便拍攝民房。)
常識嚟嘅：
- 不可自攜飲品食品進餐廳。
- 請勿插隊。
- 請保持洗手間清潔。
- 不要並排走路。(一字排開會阻礙其他行人，請互相禮讓。)
- 不要在鐵道旁拍攝。(為你人生安全著想。)
(指南有中英文雙語版，英文版嘅翻譯比較清晰，所以先放英文版嘅圖片，需要中文版可以利用頂部連結閱覽↑↑↑)
