沖繩 AEON MALL OKINAWA RYCOM (永旺夢樂城沖繩來客夢)，除咗係沖繩最大的購物中心，其中Rycom Village區的 Ametsuchi Terrace 絕對不可錯過！裡面有人氣民族風品牌「CAYHANE」為主的生活百貨店，同埋供你瞓在吊床吃喝玩樂的EARTH HAMMOCK CAFÉ。想知有幾Chill有幾好Feel，一齊睇下啦~
EARTH HAMMOCK CAFÉ
- 地址：〒901-2305 沖繩縣中頭郡北中城村泡瀨土地區劃整理事業區域內4街區 永旺夢樂城沖繩來客夢 Ametsuchi Terrace (204)內
- 交通方式：從那霸機場車程需時約40分鐘，距沖繩高速公路北中城交流道約4公里
- 營業時間：全年無休 10:00~22:00 (餐點最後點餐時間為21:00；飲品最後點餐時間為21:30)
CAYHANE生活百貨店，裡面有琳瑯滿目的波希米亞風情貨品，民族風服飾、家居用品、玩具統統有齊，款式繁多。貨品選用有機棉毛巾、大麻纖維製提袋等天然素材，穿梭五彩繽紛貨品內，讓你體會到店鋪主打的“FUN FEEL THINK”真諦。呢度你可以找到來自摩洛哥的水杯、泰國長裙、有機肥皂、美味咖啡等，絕對可以滿足熱愛民族風的你!
行到攰攰地，記得要去埋Earth Hammock Café。先在Cashier購買需要食物，再進內選擇喜歡的地方用餐。Café內食物選擇相當講究，下面推介進店必試單點！
左上方鹽味雪糕，口感清爽柔滑；中間沖繩黑糖製檸檬梳打；右面特式印度奶茶，香氣迷人；下面為店內大熱夏威夷甜甜圈，口感鬆脆，包你一吃愛上！
中間漢堡包採用甜甜圈麵糰做成，金康清新之選，分量適合當作午餐或果腹點心。
南都酒造所的NIHEDE BEER，沖繩特有啤酒味道；另外亦有多款口味爆谷選擇，瞓在吊床上一啖啤酒一啖爆谷，讓你盡情放空
點餐之後可選擇在室內冷氣空間享用午餐，裡面可坐軟綿綿豆袋、吊床、吊椅等書架架上面仲有書籍借閱，要扮文青影相都是不錯選擇 (笑~)
比起涼快的室內用餐區，小編比較推介室外空間！除咗地方闊落之餘，放有用餐長木檯凳。遠處可望海洋，仲有草地及植物，感覺開陽。你可以選擇坐在有帳篷的吊床下遮陰納涼，或者無蓬的吊床望住藍天，十分寫意。
另外仲有彈床可以租借使用 (300日元 / 15分鐘)，小朋友盡情放電，大人細路各有各ENJOY~ Café 仲會定期舉辦滿月瑜伽、燭光之夜等活動，有興趣就留意EARTH HAMMOCK CAFÉ的Facebook 更新啦！
